Dt. 6^th Oct,2023 khan Dr. Chama Hall, CMO West Office ah RMNCAH+N Programme 2018-19 atang a 2022-23( kum 5 )  chhung a activities hrang hrang a kan achievement te thlir let na leh zirhona neih a ni a, hetah  hian PHC/UPC a Medical Officer te leh Main Centre a CHO leh Health Supervisor zawng zawng te koh khawm an ni.

           Programme hi  Dr.Lalnienga Ralte, Deputy CMO chairman na hnuai ah hun hman ani a, Introduction te neih anih hnu ah Dr.Thani Pachuau , Senior CMO in Welcome Speech a sawi bak ah RMNCAH+N  hi hriatchian a pawimawh zia te, a huam zau zia te, kan nitin hnathawh ah pawh tui tak a thawk tur chuan RMNCAH+N chhung a programme hrang hrang awm leh an tum theuh te kan hriat chian chuan nitin a kan hnathawh ah pawh awmze nei leh tui takin kan thawh theih tur  thu te a sawi a. RMNCAH+N hi chiang tak a kan HW/HW/ASHA te pawh hrilh nawn fo turin a chah bawk a ni.

                Dr.Laldinpuii Ralte, DIO in kum 5 chhung Routine Immunization a kan achievement te thlirlet puina hetiang hian a nei;

1. Fully Immunized  ah kumtin in hma kan sawn a, 2018-19 ah 80% ani a, 2022-23 ah chuan 93.6% kan achieve tawh chu a lawmawm a tih thu leh dropout an neih reng reng pawh ngaihthah lo a lo um zui zel tur in staff te a chah bawk ani.Sialsuk bial leh Sairang bial ten an target an khum  a chhan zawh fiah niin Refugee leh  Internally Displace Person(IDPs) vang leh chhim an tam vang niin an sawi a, report dik lo lai te lo in ennawn tur a hrilh hriat leh an ni.
2.  BCG coverage atang a a landan in tun aia tan lak a ngaih thu sawilan ani a, Birth Dose hi tun hma lam a PHC/UPHC ah pek ngai loh kha tun ah chuan pek tan ani a, Kulikawn Hospital leh ZMC ah pawh pek anih hi hmasawnna nasa tak ani a, alawmawm hle ani. Nghalchawm Clinic a nau an chhar  pawh MO leh Health Worker ten kal chilh in birth dose an pek thu te hriat ani a, a lawmawm hle ani. 
3.  Penta 1 to 3 hi dropout kan neih atang a a lan dan in  Sairang MC hnuai hi an sang fal hle a, nasa tak a lo in enlet a tan lo la thar tur a hrilh hriat an ni a,  Dropout kan neih te chhui zui peih tur a hrilh an ni bawk.
4.  Penta3 to MR1 dropout chu a ziaawm in a tha a, tan lak zel nise.MR1 to MR2 dropout rate ah hian Sialsuk leh Sairang MC te an san deuh avangin tan lak an ngaih thu tarlan a ni bawk.

                    Laldinsanga, District Data Manager in Kum 5 chhung(2018-19 to 2022-23) a kan achievement report te chu slide hmangin  presentation a pe a, a hnuaia mi ang hian sawi hona neih ani.

MATERNAL HEALTH : Target  ANC ah hian 100% aia tam registration  Main Centre ten an neih thin chu  financial year tan hma a head count survey-ah tun aia dik zawka hmalak a ngaih thu sawi ani a, Main Centre tin ten kan target kan khum/pelh na chhan hi survey dik tawk loh vang te a nih theih avangin  uluk leh zual a survey hi neih ni thin se tih sawi ho ani.

ANC within 1^st Trimester :  Hetah hian hma kan sawn chho hle a, a lawmawm tak zet a, 90% achieve lo Sialsuk leh Lengpui MC te chu kum thar ah chuan achieve ngei tur a hma la tura ngen an ni.

4^th ANC:   4^th ANC kan that loh thin avangin tun tum review ah hian 1^st Trimester a captured 4ANC a kan hlauh zat tarlan ani a, 1^st Trimester atanga teh a 90% achieved tlinglo AIbawk MC , Azl South MC, leh Aizawl West MC te tan lak a ngai hle a, Lengpui MC in 100% an achieve hi dik hlel deuh a awm theih  avangin MO leh HS ten reports/records  te lo hai let a lo zir chiang leh tur a ngen an ni.

 INSTITUTIONAL DELIVERY (Against Live birth): Kan livebirth atang a chhut in PHC/UPHC leh SC conducting delivery ten nau kan char zat en ho a ni a, PHC delivery sang ber pawn 56% chiah kan bial a naupiang te kan cover chu tun ai a nasa zawk a kan bial a naupiang te PHC a nau neih tir  tur a  Naupai te convince tum theuh nise. NAS pawh hlawk leh tangkai tak a hman nise.

 CHILD DEATH: Child Death report hi Main Centre ah tha tak a vawn lehzual nise. MC thenkhat ah tha tak a kan vawn anih laiin thenkhat an la inthlah dah a, District a submit nen in ang lo a awm nual avangin  MC  a register la nei lo kana wm chuan a hran a siam vek tur a ngen kan ni a.Tin, report reng reng hi reporting period pelh hnu a submit kan chin avangin data leh IMR chhut a tih buai thin avangin reporting period hi ngai pawimawh leh zual tur a ngen an ni bawk a. ASHA leh HW ten Block a an report reng reng hi audit loh kan nei em in en let fo a Audit hun a audit nghal zel tur a hrilh hriat kan ni bawk. A bikin Sairang leh Aizawl South MC leh Lengpui te reporting period ah leh record vawn fel chungchang ah tan lak zual nise. SC ten an bial a child death awm reng reng report hmaih an neih loh nan hrilh hriat nawn fo ni bawk se.

SUMAN: SUMAN chungchang leh a awmzia te DPM in a sawi fiah leh a, SUMAN in a tum ber leh a target beneficiaries te hriat chian a ngaih zia te, leh District chhung a PHC, UPHC leh HWC  29 te chu SUMAN Facility atan a notify theih tur a gap awm te tan lak dan tur te sawi ho ani a, notify theih loh na chhan tura gap awm te zawn chhuah a hma lak ni se, bialtu MO leh HS te chu SUMAN target facility mahni bialte theuh chhiar nawn a hrilh nawn leh an ni a, heng target facility ah te hian SUMAN a an tlin theih nan an bial theuh a package hrang hrang a service an kalpui te tha leh zual a an kalpui theih nan a hmalak pui tur a hrilh nawn an ni bawk. SUMAN   hnuai a service package grang hrang te tha taka kan tih chuan SUMAN in a tum ber Maternal Death leh Neonatal Death tih hniamna tur a kawng ah, hma kan sawn ngei a rinawm thu tarlan ani.

 HIGH RISK PREGNANCY: Aizawl West hnuai ah hian 2022-23 chhung in ANC registration chu 3391 niin chung zing ah chuan  596(17.5%)  chu High Risk Pregnancy Case hmuh chhuah ani a, Ministry guideline ah chuan 10% detect tur anih lain 17.5% lai kan hmuhchuak thei chu a lawmawm hle a, ANC registration kan tih hian lo register mai mai loh tur, an history zawh taimak tur ti a field staff te kan in fuih thin chu a takin a hlawhtlin na kan hmu a, a lawmawm hle ani. Chutih lain refer tur an refer te follow up neih zel ni bawk se ti a kan in fuih thin pawh Main Centre lam ten lo monitor chhunzawm zel nise ti a ngen an ni bawk a.Home Visit an neih thin pawh lo chhunzawm tir zel a, a theih   an gang a quality service lo kal pui zel ni bawk se. 

EPMSMA: Extended PMSMA chungchang hi DPM in a sawifiah nah un hmang chhunzawm zelin, Nu Naupai te EMPSMA a kal te transportation dawn tur leh ASHA te incentive chungchang pawh sawi ho lehin, report te pawh submit tan tawh nise, EPMSMA ah hian Aizawl khaw chhung bik ah hian hmalak ala ngai nasa a,  Naupai ten Facility hnai zawk leh awlsam zawk an pan theih nan PMSMA bik atan Aizawl West hnuai bik ah an bial siam that nise, MC Health Supervisor ten an bial lo siam remin District ah rawn submit a, DPM te nen a lo en ho nise tih sawi ho a ni bawk.MO te pawn PMSMA hi uluk leh tha zawk a kan kalpui theih nan hei aia hmalak na tha lo duang se tih sawi ho ani bawk. Pregnant Women due list for Monthly PMSMA an siam cfhu MC HS ten lo hriatpuiin, bial siam rem chhunga Health Facility Docotr awmna hnai ber ah health checkup nei  tura ruahman sak ni se. Due List siam ruahmanna te chu Medical Officer hnenah hraittir na pek ni bawk se.

                    Review Meeting ah hian report dang leh RMNCAH+N huang chhunga tan lak a ngaihna lai chi hrang hrang sawi ho na neih a ni a. Staff kalkhawm ten kan hlawkpui hle a, Mahni bial theuh a hmalakna tur kan sawi te chhunzawm nghal turin kan in fuih bawk ani.

                       Chairman-in lawmthu sawina a neih hnuah Review Meeting hi Dar 4:30 P.M ah tih tawp a ni.