National Deworming Day hi Mizoramah kum 2016 atangin kumtin hman tan a ni a. Kum khatah vawihnih, February leh August thlaah te hman thin a ni. National Deworming Day-ah hian Naupang leh Tleirawl, kum 1-19 inkar te chu   Rulhut Hlo (Albendazole) eitir thin an ni a. Govt. leh Govt. Aided school, private school leh Anganwadi naupangte hnenah sem thin a ni. Hemi ni a Rulhut Hlo (Albendazole) ei ve hmanlo naupang te chu Mop-Up Day ah damdawi eitir leh thin an ni. National Deworming Day hi naupang leh tleirawlte thisen tlakchhamna awm thei laka venna atan te, an lo hrisel zawkna atan leh an than lenna kawnga harsatna awm thei hrang hrang sutkiana atana hmalakna pawimawh tak a ni.

               Vawin ni 9^th February, 2024 hian Chief Medical Officer, Aizawl West District chuan National Deworming Day (First Round) Launching programme Sikulpui, Mission vengah neih a ni. 

                  National Deworming Day (First Round) Launching programme hi Dr. R. Lalnienga, Deputy Chief Medical Officer, Aizawl West District in a kaihruai a, Senior Chief Medical Officer, Dr. Thani Pachuau in hriselna kawnga zirlaite hriattur thu pawimawh tak tak sawina hun a hmang.  Pi Zonunpari Sailo, Joint Director, Women & Child Development in NDD Launching a neih bakah, naupangte hnena Rulhut Hlo eitirna (Spot Administration) hun a hmang bawk. Sikulpui zirlaiten Pathian fakna hla mawi tak sa in hun an khar a ni. National Deworming Day a damdawi ei ve hmanlo naupangte hi Mop-Up Day, 16^th February, 2024 ah pek chhunzawm leh vek an ni ang.